ఒక మనిషి ఇంకో మనిషితో ఏ విధంగా రిలేట్ చేసుకొవడానికి ప్రయత్నిస్తాడు అనే విషయంపై చాలా మందితో చర్చించాను. నా జీవితానుభవం ప్రకారం ప్రస్తుతానికి ఇది ఫైనల్ చేసా:

1) నేను:
2) మనోడు:
3) కానోడు:
4) నొ రిలేషన్:

ఒక సంఘటనపై స్పందన , ఆ సంఘటనకు కారకులను మనం ఏ విధంగా రిలేట్ చేసుకుంటున్నాం అనే దాని మీద తీవ్రంగా ఆధారపడి వుంటుందని నా ఊహ.

చిన్న ఉదాహరణతో చెప్పాలి అంటే (this view changes man to man)

1. నేను = నేను. అది కాకుండా మన పిల్లలు ఏదైనా సాధిస్తే మనం సాధించినట్లు గానే ఫీల్ అవుతాం. అందరూ మన పిల్లలతో మనల్ని కూడా అభినందిస్తారు. అంటే పిల్లలు = “నేను” కోవలోకే వస్తారు.
2. సచిన్ సెంచరీ కొట్టినపుడు అయితే గర్వంగా ఫీల్ అయితే, అంటే సచిన్ = మనోడు. ఇంకా బంధువులు, ఫ్రెండ్స్ ఈ కోవలోకే వస్తారు.
3. ఫాస్ట్ సెంచరీ రికార్డ్ పాకిస్తాన్ ప్లేయర్ మీద వుందని బాదపడుతుంటే, పాకిస్తానోడు = కానోడు. ఇంకా మనం ద్వేషించే వాళ్ళు, మనల్ని ద్వేషించే వాళ్ళు ఈ కోవలోకే వస్తారు.
4. మనకి ఇంటరెస్ట్ లేని స్పోర్ట్ లో ఎవరో ఏదో సాధించి న్యూస్ హెడ్ లైన్స్ వచ్చింది. దానికి ఏమి ఫీల్ కాకపొతే “నొ రిలేషన్” అనవచ్చేమో. “సాటి మనిషి” అని గర్వపడితే ‘మనోడు’.

మనం మనుషులు కాబట్టి కచ్చితంగా అందరినీ “మనోళ్ళు” గా చూడలేము. ఎక్కడో చదివిన ఈ క్రింది లైను బాగుందని ఎప్పుడో సేవ్ చేసుకొని పెట్టుకున్నాను.

“వేయి మందిలో ఒక్కడే ధర్మపథమును సర్వకాల సర్వావస్థలయందూ అనుసరించును. అట్టి కోటి ధర్మాత్ములలో ఒక్కడు పేరాశకు లోను కాక విరాగి వలె ఉండును. అట్టి కోటి విరాగులలో ఒక్కడు జ్ఞాని అగును. అలాంటి జ్ఞానులలో కోటికొక్కడే జీవన్ముక్తుడగును. అట్టి వేయిమంది జీవన్ముక్తులలో అరుదుగా ఒక్కడు బ్రహ్మైక్యమును పొందును.”